‘फाइज जी’को परीक्षण जारी छ : मन्त्री शर्मा

१० असार, काटमाडौं । सरकारका प्रवक्ता एवं संचार तथा सूचना प्रविधिमन्त्री रेखाकुमारी शर्माले फोन सेवामा ‘फाइभ जी’को परीक्षण भइरहेको बताएकी छन् । आर्थिक वर्ष २०८०/८१ का लागि सरकारले संचार मन्त्रालयलाई छुट्याएको बजेटमाथि सांसहरुले उठाएका प्रश्नको जवाफ दिँदै आइतबार प्रतिनिधिसभाको बैठकमा मन्त्री शर्माले मुलुकभर ‘फोर जी’ पुगिनसकेको र यसलाई आगामी आवमा पूरा गर्ने बताइन् । 

यस्तै उनले नेपाल टेलिकमलाई ‘फाइभ जी’ संचालनका लागि अनुमति दिइसकेको र टेलिकमले हाल ‘फाइभ जी’को परीक्षण गर्ने काम गरिरहेको जानकारी दिइन् । टेलिकमले केही महिना सुरु गरेको फाइभ जीको परीक्षण सफल हुन नसकेपछि रोकिएको अवस्था छ ।

सोही क्रममा उनले पत्रपत्रिकालाई दिँदै आइरहेको कल्याणकारी कोषको रकमका सम्बन्धमा के गर्ने भन्नेबारे छलफल भइरहेको बताए । साथै विज्ञापन नियमावली संशोधनका क्रममा र भूउपग्रह स्थापना र संचालनका लागि संस्थाग व्यवस्था गरिने बताइन् । 

रेडियो, टेलिभिजन र वककीट्वाकी फ्रिक्वेन्सी वितरण जारी राख्ने बताइन् । उसले सरकारी कार्यालयहरुको वेभसाइटमा एकतारुपता ल्याएको र सरकारी वेभसाइटमा हुन सक्ने ह्याकलाई नियन्त्रण गर्न वेभ मोनिटरिङ सुरुवात गरिएको बताइन् । राष्ट्रिय साइबर नीति काम भइरहेको र सरकारी डाटा सेन्टरको स्तरोन्नतिको काम जानकारी दिइन् । 

सूचना प्रविधि विषयमा अध्ययन गर्न चाहने विद्यार्थीलाई स्नातकोत्तरमा छात्रवृद्धिको व्यवस्था गरिएको बताइन् ।साथै, अवकाशमा जाने हुलाकका कर्मचारीलाई ससम्मान बिदाईका लागि योगदानको कदरस्वरुप उचित आर्थिक प्याकेज दिइने बताइन् ।