नेपाली बजारमा सुनको भाउ बढ्यो

११  असार, काठमाडौं । नेपाली बजारमा सोमबार पनि सुनको भाउ उकालो लागेको छ।  सोमबार सुनको भाउ तोलामा २०० रूपैयाँले बढेको छ । योसँगै प्रति तोला छापावाल सुन १ लाख १० हजार ४०० रूपैयाँ र तेजाबी सुन १ लाख ९ हजार ८५० रूपैयाँ कायम भएको नेपाल सुनचाँदी व्यवसायी महासंघले जनाएको छ । 

आइतबार पनि सुनको भाउ तोलामा ४०० रूपैयाँले बढेको थियो। यो दिन प्रति तोला छापावाल सुन १ लाख १० हजार २०० रूपैयाँ र तेजाबी सुन १ लाख ९ हजार ६५० रूपैयाँमा कारोबार भएको थियो।

सोमबार चाँदीको भाउ तोलामा १५ रूपैयाँले बढेर १ हजार ३६५ रूपैयाँ कायम भएको छ। आइतबार पनि तोलामा १५ रूपैयाँले बढेर चाँदी १ हजार ३५० रूपैयाँमा किनबेच भएको थियो।