आफूमाथि बोतल प्रहार गर्नेलाई कारवाही नगर्न प्रकाश सपुतको आग्रह

११ असार, काठमाडौं । स्टेज प्रस्तुतिका लागि रोमानिया पुगेको कलाकार एवं गायक प्रकाश सपुतले आफूमाथि बोतल प्रहार गर्नेलाई कारवाही नगर्न आग्रह गरेका छन् । 

स्टेजमा गीत गाइरहेको समयमा एक दर्शकले उनीमाथि नेपाली दर्शकले बियरको बोतल प्रहार गरेका थिए । प्रहार गर्नेलाई प्रहरीले पक्राउ गरी कारवाहीको प्रक्रिया स जारी राखेको बेला उनले थुनामुक्त गर्न आग्रह गरेका हुन् । 

बोतल प्रहार गर्नेलाई आफूले माफी दिइसकेकाले थप कारबाही नगर्न रोमानियाका प्रहरी अधिकारीलाई उनले आग्रह गरेका हुन् । उनी रोमानियामा छन् । 

उनले ‘बोल माया’ बोलको गी गाउँदै गर्दा उनीमाथि बोतल प्रहार भएको थियो । प्रहारबाट सपुतको नाकमा चोट लागेको छ । प्रीति अाले पनि प्रस्तुतिका क्रममा राेमानियामै रहेकी छन् ।

त्यहाँ रहेका नेपालीहरूकाे संगठनले आयाेजना गरेका ‘याद नेपाली म्युजिक फेस्टिबल २०२३’ मा सहभागी हुन उनीहरू त्यहाँ पुगेका हुन् ।