कोशी प्रदेशसभाको बैठक आह्वान, विश्वासको मत लिने मुख्यमन्त्रीकाे तयारी

११ असार, काठमाडौं । कोशी प्रदेशसभाको बैठक आह्वान गरिएको छ । प्रदेश सरकारको सिफारिसमा प्रदेश प्रमुख परशुराम खापुङले असार १४ गते दिउँसो १ बजे बस्ने गरी प्रदेशसभाको बैठक आह्वान गरेका हुन् । 

आइतबार बसेको कोशी प्रदेश मन्त्रिपरिषद् बैठकले १४ असारमा प्रदेशसभा बैठक बोलाउन प्रदेश प्रमुखसमक्ष सिफारिस गर्ने निर्णय गरेको थियो । 

अअल्पमत परेका मुख्यमन्त्री हिक्मतकुमार कार्कीले बैठकमा विश्वासको मत लिने तयारी गरेका छन् । जसपा र माओवादी केन्द्रले समर्थन फिताृ लिएपछि कार्की अल्पमतमा परेका छन् । अल्पमतमा रहेकै बेला उनले अध्यादेशबाट प्रदेश सरकारको नीति तथा कार्यक्रम र बजेट सार्वजनिक गरिसकेका छन् ।

सरकार गठनका लागि ४७ सांसदको समर्थन आवश्यक पर्छ । कार्कीको पक्षमा हाल एमालेका ४० र राप्रपाका ६ गरी ४६ सांसदले साथ दिँदै आएका छन् ।