सुनचाँदीको भाउ बढ्यो, कतिमा हुँदै छ कारोबार ?

१२ असार, काठमाडौं । मंगलबार नेपाली बजारमा सुनचाँदीको मूल्य बढेको छ। गत कारोबार दिन अर्थात् सोमबार प्रति तोला दुई सय रूपैयाँ बढेको सुनको मूल्य यस दिन पनि प्रति तोला दुई सय रूपैयाँ नै बढेको हो।

नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १० हजार छ सय रूपैयाँ र तेजाबी सुन प्रति तोला एक लाख १० हजार ५० रूपैयाँमा कारोबार भइरहेको छ। 

सोमबार छापावाल सुन प्रति तोला एक लाख १० हजार चार सय रूपैयाँ र तेजाबी सुन प्रति तोला एक लाख नौ हजार आठ सय ५० रूपैयाँमा कारोबार भएको थियो।

त्यसैगरी, मंगलबार चाँदीको मूल्य पनि बढेको छ। आज चाँदी प्रति तोला १३ सय ७५ रूपैयाँमा कारोबार भइरहेको छ। सोमबार चाँदी प्रति तोला १३ सय ६५ रूपैयाँमा कारोबार भएको थियो। यो मूल्य अघिल्लो दिनको तुलनामा प्रति तोला १० रूपैयाँ बढेको हो।