बकर ईदमा १४ गते सार्वजनिक बिदा

१२ असार, काठमाडौं । सरकारले मुस्लिम समुदायले मनाउने बकर ईदमा सार्वजनिक बिदा दिएको छ । गृह मन्त्रालयका सहसचिवसमेत रहेका प्रवक्ता केदारनाथ शर्माले आज प्रेस सूचना जारी गर्दै यही असार १४ गते बिहीबारका दिन सार्वजनिक बिदा दिने जानकारी दिएका छन् । नेपालमा इस्लाम धर्म मान्ने मुस्लिम समुदायको संख्या उल्लेख्य मात्रामा रहेको छ ।

यसअघि एमाले अध्यक्ष केपी शर्मा ओली नेतृत्वको सरकारले विभिन्न समुदायले मनाउने चाड र मान्ने धर्म लगायतमा सरकारले दिने सार्वजनिक बिदा कटौती गरेपनि सर्वोच्च अदालतको परमादेशबाट ओलीबाट विस्थापितपछि आमनिर्वाचनपछि गएको पुष १० मा माओवादी केन्द्रका अध्यक्ष प्रचण्ड नेतृत्वमा बनेको सरकारले गत चैत १२ गते विभिन्न धर्मालम्वीहरुले मान्ने धार्मिक पर्व र परम्परागत चाडमा सार्वजनिक बिदा दिने निर्णय राजपत्रमा प्रकाशित गरेको थियो । सोही आधारमा आज गृह मन्त्रालयले बिदाको सूचना प्रकाशित गरेको हो ।