माओवादी केन्द्रको केन्द्रीय समितिकाे बैठक साउन १७ गतेका लागि सारियाे

१२ असार, काठमाडौं । सरकारको नेतृत्व गरिरहेको नेकपा (माओवादी केन्द्र)को केन्द्रीय समितिको बैठक सरेको छ । असार २३ गतेका लागि बोलाइएको बैठक साउन १७ गतेसम्म सारिएको महासचिव देव गुरुङले जानकारी दिएका छन् । साउन १७ गते बस्ने बैठक पूर्ववत् स्थान प्रज्ञा प्रतिष्ठान कमलादीमा हुने उनले बताए । 

बैठकमा पार्टी चलाएको २ महिने अभियानको समीक्षा प्रतिवेदन तथा स्थानीय, प्रदेश र केन्द्रीय चुनावको समीक्षा प्रतिवेदन पेस गर्ने एजेन्डामाथि छलफल र समीक्षा तथा हालै गठन भएको समाजवादी मोर्चाका विषयलाई अनुमोदन गर्ने भएको छ ।