मन्त्रालयगत विनियाेजन बजेटमाथि छलफल सकियाे, प्रतिनिधिसभाको अर्को बैठक बुधबार बस्ने

१२ असार, काठमाडौं । प्रतिनिधिसभाको आजको बैठक सकिएको छ । आजको बैठकमा आर्थिक वर्ष २०८०/८१ का लागि सरकारले गएको जेठ १५ मा प्रस्तुत गरेको बजेटअन्तर्गत अर्थ, शिक्षा, विज्ञान तथा प्रविधि, कानून, कृषि तथा पशुपंक्षी मन्त्रालयमाथि विनियोजित विधेयकमाथि उठेका प्रश्नको सम्बन्धित मन्त्रीहरुले दिएका छन् । 

याेसँगै मन्त्रालयगत विनियाेजन बजेट शीर्षकमाथिकाे छलफल सकिएकाे छ । अर्काे बैठक भोलि बुधबार बिहान ११ बजे बस्ने भएकाे छ । संघ सरकारसँग २५ मन्त्रालय छन् ।

भोलिको बैठकमा राष्ट्रिय योजना आयोगकाे सिचिवालय, मन्त्रिरिषद् एवं प्रधानमन्त्रीकाे कार्यालय, राष्ट्रपति र उपराष्ट्रपति कार्यालयमाथि विनियोजित बजेटमाथि प्रधानमन्त्री प्रचण्डले जवाफ दिने कार्यसूची रहेको सभामुख देवराज घिमिरेले सदनमा जानकारी दिएका छन् । बैठक बुधबार बिहान ११ बजे बस्ने जानकारी उनले दिए । भोलि बजेट पारितका लागि सदनमा अर्थमन्त्री डा. प्रकाशरणमहतले प्रस्ताव गर्ने संभावना रहेको छ ।