नेपाली बजारमा सुनको भाउ घट्यो

१३ असार, काठमाडौं । नेपाली बजारमा बुधबार सुनको भाउ घटेको छ भने चाँदीको भाउ स्थिर रहेको छ । अघिल्लो कारोबार दिन अर्थात् मंगलबार प्रति तोला दुई सय रूपैयाँ बढेको सुनको मूल्य आज प्रति तोला छ सय रूपैयाँ घटेको हो।

नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १० हजार रूपैयाँ र तेजाबी सुन प्रति तोला एक लाख नौ हजार पाँच सय रूपैयाँमा कारोबार भइरहेको छ।

मंगलबार छापावाल सुन प्रति तोला एक लाख १० हजार छ सय रूपैयाँ र तेजाबी सुन प्रति तोला एक लाख १० हजार ५० रूपैयाँमा कारोबार भएको थियो।

त्यसैगरी, बुधबार चाँदीको मूल्य भने स्थिर रहेको छ । आज चाँदी प्रति तोला १३ सय ७५ रूपैयाँमा कारोबार भइरहेको छ। मंगलबार पनि चाँदी सोही मूल्यमा किनबेच भएको थियो।