बरुण हाइड्रोपावरले शतप्रतिशत हकप्रद शेयर जारी गर्ने

१३ असार, काठमाडौं ।  बरुण हाइड्रोपावरले शत प्रतिशत हकप्रद शेयर जारी गर्ने निर्णय गरेको छ । कम्पनीको मंगलबार बसेको सञ्चालक समिति बैठकले १००५ हकप्रद शेयर निष्काशनका लागि नियामक विद्युत नियमन आयोगसँग पूर्वस्वीकृति माग्ने निर्णय गरेको हो ।

आयोगले पूर्वस्वीकृति लिएर हकप्रद शेयर निष्काशन प्रस्ताव आगामी साधारण सभामा पेस गर्ने कम्पनीले जनाएको छ । हाल बरुणको चुक्ता पुँजी ५३ करोड ५८ लाख रूपैयाँ रहेको छ । नियामकको स्वीकृतिपछि हकप्रद शेयर जारी भएमा कम्पनीको चुक्ता पुँजी १ अर्ब ७ करोड रूपैयाँ भन्दा बढी हुनेछ ।

चालु आर्थिक वर्षको तेस्रो त्रैमाससम्म बरुणले १ करोड ४२ लाख रूपैयाँ नाफा कमाएको छ । प्रति शेयर आम्दानी वार्षिक ४ रूपैयाँ ४० पैसा रहेको छ । प्रति शेयर नेटवर्थ ११२ रूपैयाँ ८२ पैसा छ ।