सत्तारुढ दल जनमत पार्टी बजेटको विपक्षमा उभिने

१३ असार, काठमाडौं । सत्तारुढ जनमत पार्टी सरकारले ल्याएको आव २०८०/८१ का वार्षिक बजेटको विपक्षमा उभिने भएको छ । बजेटप्रति असन्तुष्ट रहँदै आएको चन्द्रकान्त (सीके) राउत नेतृत्वको जनमत पार्टीले बजेट पास गर्दा विपक्षमा मतदान गर्ने निर्णय गरेको हो । 

संघीय संसदमा जनमतका ६ सांसद छन् । बजेट पासका लागि आज प्रतिनिधिसभाको बैठकमा निर्णायर्थ पेस गरिँदैछ । प्रधानमन्त्री पुष्पकमल दाहाल प्रचण्ड’ले राउतलाई आग्रह गर्दै आएका छन् । सरकारलाई समर्थन गर्ने आठ दलमध्ये जनमतले बजेटमा सरकारलाई असहयोग गर्ने निर्णय गरेको हो । 

माओवादी केन्द्रको नेतृत्वमा सत्तारुढ दल कांग्रेस, एकीकृत समाजवादी लगायत बजेट पास गर्न मतदान गर्न ह्वीप लगाइसकेका छन् ।