भ्रमण वर्षको अपेक्षा
इन्द्र रिजाल
चैत २९, २०७५ शुक्रबार १४:२१:४६
आगामी वर्ष नेपाल भ्रमण वर्ष मनाउने तयारी छ । नेपाललाई पर्यटकीय गन्तव्यका रूपमा विश्वसामु परिचित गराउने र सन् २०२० मा २० लाख विदेशी पर्यटक भिœयाउने लक्ष्यसहित यो अभियान चलाइएको हो ।
यसै सन्दर्भमा प्रधानमन्त्री केपी शर्मा ओलीको अध्यक्षतामा बुधबार ‘नेपाल भ्रमण वर्ष २०२०’ मूल आयोजक समितिको बैठक बस्यो । सो अवसरमा प्रधानमन्त्रीले पर्यटन क्षेत्रबाट मुलुकको आय दोब्बर बनाउने, १० लाखलाई रोजगार अवसर सिर्जना गर्ने गरी नेपाल भ्रमण वर्षलाई सफल बनाउन सरोकारवाला सबै निकायलाई निर्देशन दिनुभयो ।
पर्यटन नेपालको अर्थतन्त्रको एउटा महŒवपूर्ण क्षेत्र हो । यसले विदेशी मुद्रा आर्जन, रोजगारका अवसर सिर्जना, आर्थिक क्रियाकलाप अभिवृद्धि, उद्योग कृषिजस्ता अन्य क्षेत्रलाई टेवा दिएर समग्र आर्थिक विकास र समुन्नतिमा सहयोग गर्दै आएको छ ।
विविध भौगोलिक अवस्था, धार्मिक विविधता, जीवित सांस्कृतिक सम्पदाले भरिपूर्ण नेपालमा पर्यटन प्रर्वद्धनका लागि आवश्यक दृश्य, संस्कृति, जीवनशैली, मनोरञ्जन पार्क र हावापानी सबै रहेको छ जसका कारण नेपाल विश्वका पर्यटकका लागि गतिलो गन्तव्य बन्नसक्नेमा दुई मत छैन । तर, यस क्षेत्रको विकास भने पर्याप्त हुन सकेको छैन ।
विगतमा पनि विदेशी पर्यटक आकर्षित गर्ने प्रयास नभएका होइनन् । सन् १९९८ मा नेपाल भ्रमण वर्ष, २०११ मा नेपाल पर्यटन वर्ष, २०१२ लुम्बिनी भ्रमण वर्ष, पोखरा भ्रमण वर्षका अभियान चलाइयो । तर, १९९८ को अभियानबाहेक अरूले लक्ष्य हासिल गर्न सकेनन् । भौतिक पूर्वाधारको अभाव, राजनीतिक अस्थिरता, मैत्रीपूर्ण पर्यटन कानुन, पर्याप्त प्रचारप्रसारको अभाव, सडक र विमानस्थलको स्तरोन्नति नहुनु, नयाँ गन्तव्य स्थलको खोजी नहुनुजस्ता कारणले विगतमा लिइएको लक्ष्य हासिल हुन सकेनन् ।
सन् २०२० मा २० लाख पर्यटक भिœयाउने लक्ष्यसहित सरकारले २०७४ साउन २९ गते नेपाल भ्रमण वर्ष २०२० मनाउने घोषणा गरेको थियो । यो महŒवाकाङ्क्षी लाग्नसक्छ । तर, यहाँको सम्भावना र सरकारले गरिरहेको तयारीले लक्ष्य पूरा गर्न कठिन देखिँदैन । राजनीतिक स्थिरता हुनुका साथै उपयुक्त नीति नियम निर्माण भएका छन्, हुँदैछन् ।
प्रचारात्मक अभियानमा पनि सरकार र निजी क्षेत्र जुटेका छन् । धेरै पर्यटक आउने भारत र चीनमा अझै बढी प्रचारप्रसार नीतिका साथ नेपाल पर्यटन बोर्डले म्यानमार, भियतनाम, बङ्गलादेशबाट पनि उल्लेख्य सङ्ख्यामा पर्यटक भित्रिने अपेक्षा राखेको छ । ती देशबाहेक अन्य देशमा पनि नेपालका पर्यटकीय गन्तव्यबारे जानकारी दिइएको छ । नेपाल वायुसेवा निगमले थपेका दुईवटा जहाजले जापान र कोरिया उडान गरे पर्यटकको सङ्ख्या बढ्ने अपेक्षा गरिएको छ ।
मुलुकभित्र बन्दै गएको सकारात्मक वातावरण र सरोकारवालाको प्रयासले पछिल्लो समय नेपाल घुम्न आउने पर्यटकको सङ्ख्यामा उल्लेख्य वृद्धि हुन थालेको छ । प्रयासलाई निरन्तरता दिँदै थप पर्यटक आकर्षित गर्ने लक्ष्य राख्नुपर्छ । पर्यटक सङ्ख्या मात्र होइन, यस क्षेत्रबाट हुने आम्दानीलाई पनि ध्यानमा राख्नुपर्छ । सरकारले प्रतिपर्यटक दैनिक ६५ डलर खर्च गर्ने र बसाइ अवधि १४ दिन पु¥याउने लक्ष्य राखेको छ । यो लक्ष्य भेट्न पर्यटकलाई आकर्षित गर्ने र पर्यटकीय स्थलहरूमा सुविधा वृद्धि हुनु जरुरी छ । पूर्वाधारको विकासको आवश्यकता छ ।
स्तरीय होटल, यातायात, आन्तरिक विमानस्थलदेखि लिएर गाउँ–घरका गोरेटो बाटो निर्माण र मर्मत गर्नुपर्छ । विमानस्थल, सडकजस्ता पूर्वाधार निर्माणलाई गति दिनसके लक्ष्य पूरा गर्न कठिन छैन । आन्तरिक र बाह्य हवाई यातायात विकास गरी थप सुरक्षित, स्तरीय र भरपर्दो बनाउन पनि आवश्यक छ ।
विश्व पर्यटनमा थपिएका उच्च प्रविधि र प्रयोगलाई समयानुकूल रूपमा उपयोग गर्नसके लक्षित पर्यटक देशमा भित्रिएर दस लाख नेपालीले स्वदेशमै रोजगार पाउने कुरामा दुई मत छैन ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपनयाँ वर्षमा सबैको कामना, हाम्रा नेतामा सद्बुद्धि पलाओस् !
बैशाख १, २०८१ शनिबार
शान्ति, सम्बृद्धि, सुशासन र सहमतिको वर्ष बनोस् २०८० !
बैशाख १, २०८० शुक्रबार
इतिहास र बाह्य आलोकमा राष्ट्रिय मेलमिलाप तथा एकता दिवस
पुष १८, २०७८ आइतबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
गृृहमन्त्री रविको बचाउ प्रकरणले महान्यायाधिक्ता विवादमा
नेपालबहस संवाददाता
बैशाख २६, २०८१ बुधबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
रविले चुनौती दिएपछि गगनले भने, ‘सबै स्वीकार छ, संसदीय समितिमा आउनुस्’
बैशाख २८, २०८१ शुक्रबार
गाजामा युद्ध रोक्न बाध्य पारिए इजराइल एक्लै भए पनि लड्छ : प्रधानमन्त्री नेतान्याहु
बैशाख २८, २०८१ शुक्रबार
रुखको हाँगा काटेर बाख्राहरुलाई खुवाएपछि पाँच हजार जरिवाना
बैशाख २८, २०८१ शुक्रबार
रुद्राक्षको व्यापारबाट मनग्य आम्दानी गर्दै सन्तोष
बैशाख २९, २०८१ शनिबार
सुष्मा विसी र प्रमोद भुसालको रोइला भजन सार्वजनिक
बैशाख २९, २०८१ शनिबार
प्रधानमन्त्रीको रबैया र सभामुखको भूमिकाप्रति कांग्रेस रुष्ट
बैशाख २९, २०८१ शनिबार
बजेट बनाउन अर्थमन्त्रीको टिमभन्दा गिरोह सक्रिय, करका दरमा खेल्ने प्रयास
बैशाख २९, २०८१ शनिबार
ढकमक्क फुलेको बेगनबेली फूलले बसन्तमय तिलोत्तमा
बैशाख २९, २०८१ शनिबार
सत्ता पक्ष र प्रतिपक्षको टकराव, मुडभेडतर्फ संसद
बैशाख २९, २०८१ शनिबार