कानुनमन्त्री अनुपस्थित भएपछि न्याय परिषद् बैठक बस्न सकेन

१३ असार, काठमाडौं । न्यायपरिषद्को बैठक स्थगित भएको छ । कानुनमन्त्री अनुपस्थित भएपछि बैठक बस्न नसकेको हो । बजेट पारित गर्न पार्टीले ह्वीप जारी गरेपछि कानुनमन्त्री धनराज गुरुङ प्रतिनिधिसभा बैठकमा सहभागी भएका छन् । 

सर्वोच्च अदालतमा ६ तथा उच्च र जिल्ला अदालततर्फ रिक्त २७ न्यायाधीश नियुक्तिका लागि नवनियुक्त प्रधानन्यायाधीश हरिकृष्ण कार्कीले परिषद्को बैठक बोलाएका थिए ।

मंगलबार बसेको बैठक बिना निष्कर्ष टुगिएपछि आजका लागि बैठक बोलाएका थिए । बैठकका मुख्य एजेण्डा न्यायाधीशहरुको नियुक्ति रहेका छन् आज बाेलाइएकाे बैठक स्थगित भएकाे परिषदले जनाएकाे छ ।