तामाकोशी पाँचाैं निर्माणका लागि अन्तर्राष्ट्रिय बोलपत्र आह्वान

१३ असार, काठमाडौं । उनन्नसय मेगावाटको तामाकोशी पाँचौं जलविद्युत् आयोजना निर्माणका लागि ठेक्का आह्वान भएको छ ।

चार सय ५६ मेगावाटको माथिल्लो तामाकोशी जलद्यिुत आयोजनाको टेलरेसबाट निस्कने पानीलाई डाइभर्सनमार्फत लिएर बनाइने यस आयोजनाको सिभिल संरचना र हाइड्रोमेकानिल इक्विपमेन्टको लागि अन्तर्राष्ट्रिय बोलपत्र आह्वान गरेको हो । 

दुई प्याकेजमा निर्माण हुने आयोजनको दोस्रो प्याकेजमा ट्रान्समिसन लाइनको ठेक्का आह्वान हुने भएको छ । बोलपत्र आवेदन पेस गर्न दुई महिनाको समय दिइएको छ । इन्जिनियरिङ प्रोक्युरमेन्ट कन्स्ट्रक्सन (ईपीसी) मोडलमा बोलपत्र आह्वान गरिएको छ । आयोजनाको सम्भाव्यता अध्ययन र वातावरणीय प्रभाव मूल्यांकन तयार भइसकेको छ ।

यस आयोजनाको लागत सवा २१ अर्ब रुपैयाँ अनुमान गरिएको छ । यसमध्ये कर्मचारी सञ्चय कोषले १३ अर्ब ७४ करोड रुपैयाँ ऋण लगानी गर्ने सुनिश्चिता भएको छ ।