‘विनियोजन विधेयक २०८०’ लाई पारितको घोषणापछि पनि सभामुखले लगे भोटिङमा

१३ असार, काठमाडौं । सरकारले जारी बजेटअधिवेशनअन्तर्गत बुधबार प्रतिनिधिसभाको बैठकमा पारितका लागि पेस गरेको ‘विनियोजन विधेयक २०८०’ बहुमतले पारित भएको घोषणा गरेपनि विपक्षी दलको मागपछि सभामुख देवराज घिमिरेले मत विभाजन अर्थात भोटिङमा लगेका छन् । 

अर्थमन्त्री डा. प्रकाशशरण महतले पारितका लागि पेस गरेका विधेयकलाई घिमिरेले ध्वनि मतका आधारमा ‘हुन्छड वा ‘हुन्न’ भन्ने विधिबाट निर्णायर्थ प्र्रस्तुत गरेका थिए । प्रस्तुत गर्दा हुन्छ भन्ने अर्थात सत्ता पक्षका सांदहरुले हात उठाउँदा बहुमतले पारित भएको घोषणा गरे ।

तर प्रमुख प्रतिपक्षी एमालेका सचेतक महेश बर्तौलाले विधेयकका पक्षमा हात उठेका सदस्य संख्याप्रति आशंका भएको भन्दै मतविभाजनको माध्यमबाट विधेयकको टुंगो लगाउन माग गरे । सोही अनुसारा सभामुख घिमिरेले तत्कालै भोटिङमा लगेका हुन् । 

सभामुख घिमिरेले ध्वनि मतका आधारमा विधेयकप्रति ‘हुन्छ भन्ने पक्षका सदस्यहरुको बहुमत रहेकाले पारित भएको घोषणा गर्दछु’ भनिसेकेको अवस्थालाई उल्ट्याएका छन् ।