‘विनियोजन विधेयक २०८०’ बहुमतले पारित, पक्षमा १४७ र विपक्षमा १०८ मत

१३ असार, काठमाडौं । प्रतिनिधिसभाको बैठकले ‘विनियोजन विधेयक २०८०’ बहुमतले पारित भएको छ । अर्थमन्त्री डा. प्रकाशशरण महतले प्रस्ताव गरेको विधेयकलाई १४७ सदस्यको समर्थनमा पारित भएको हो । 

विधेयकको पक्षमा १४७ र विपक्षमा १०८ मत परेको छ । ‘विनियोजन विधेयक २०८०’ बहुमतले पारित भएको घोषणा गरे । तटस्थमा शून्य मत परेको छ । प्रतिनिधिसभाका २७५ मध्ये बैठकमा २५५ सदस्य उपस्थित थिए ।

पारितसँगै विधेयक बजेटको अंग बनेको छ । बजेटसम्बन्धी विधेयकमा मतदान भएको संभवतः यो पहिलो पटक हो ।

अहिले मन्त्री महतले पारितका लागि ‘आर्थिक विधेयक २०८०’ लाइ सदनमा पेस गरेका छन् । सदस्यहरूले धारणा राख्ने क्रम जारी छ ।