सत्यको खोज ? [ फाेटाेफिचर ]

♦ मनिष अर्याल

१४ असार, काठमाडाैं । सत्य के हो ? सबै कुरा सत्य हुन सक्छ त ? सत्य नै पछ्याउनु पर्ने ?  सत्य अन्धो पनि हुन सक्छ ? सत्य भ्रम पनि हुन सक्छ ? हो यस्तै सत्य को खोज हेर्न मण्डला थिएटरमा अहिले हिउँ भन्दा चिसो नाटक लागिरहेको छ । सोमनाथ खनालको निर्देशन मा बनेको यो नाटकमा सत्यकै खोज को विषय देखाइएको छ ।

३ पात्रमा खेलिएको यो नाटक सुदूरपश्चिमेलि भाषा र शैली मा खेलिएको देखिन्छ । बजारदेखि दुर्गम गाउ हुन्छ त्यहाँ एक दम्पती मात्र बसेको हुन्छन् । त्यो गाउ बाट सबै सरेर खालि भइसकेको थियो । गोपि (गोविन्द सुनार) , गोपि कि श्रीमती नौरती (रेणु नाथ योगी) र डा. सिद्धान्त (भोलाराज सापकोट)  यि तीन पात्र को आफ्नै आफ्नै भुमिका मा एकदम शक्तिशाली देखाइएको छ । सुदूर पश्चिम र खस भाषा को प्रयोग ले यसलाई अझ सुन मा सुगन्ध दिएको देखिन्छ । रित्तो गाउ, सत्यको खोज र आत्माहरुसँग कुदिएको यो नाटक हेर्न चाहि पुग्नै पर्ने देखियो ।

अस्पतालको सहायक कर्मचारी मा गोपि ले आफ्नो अस्पतालको डा. सिद्धान्त लाइ आफ्नो गाउ गोपि र नौरतीको छोरा को उपचार गर्न लगेका हुन्छन् । नौरती को इच्छा ले गोपीले डाक्टरलाई आफ्नो घर लगेको हुन्छ  । यसै गरि यो नाटकमा गोपीले आफ्नो श्रीमान को , डाक्टर ले आफ्नो धर्म को र नौरती ले आफ्नो बच्चा प्रतिको भुमिका सबै सम्मान योग्य नै छ । अरू थाहा पाउन नाटक नै हेर्नु पर्छ । मञ्च शृङ्गारसँगै सङ्गीत र प्रकाश को पनि महत्त्वपूर्ण भुमिका रहेको छ ।

नाटकमा धेरै हास्ने देखाइएपनि यसको भित्री साँचो र सत्य एकदमै तितो छ । यो कथा भारतीय लेखक सौरभ शुक्लाको बर्फ भन्ने नाटक बाट प्रभावित भएको भनिएको छ । मण्डला थिएटर को संस्थापक तथा यो नाटक को निर्देशक सोमनाथ खनालको कलाकार छनोट को खुबी यही देख्न सकिन्छ । यो नाटकको अनुवाद नम्रता केसी ले गर्नु भएको छ । मण्डला थिएटरले प्रस्तुत गरेको नाटक साउन १४ गतेसम्म मञ्चन हुने छ।

नेपाली शैली को पनि कर्णाली सेरोफेरो मा ढलेको कथा एकदम तारिफ योग्य छ  । डाक्टरले देखेकोसत्य, गोपीको सम्माननीय श्रीमानको कथा र नौरती जुन सत्यमा बाची रहेकी कथावस्तु नेपाली रङ्ग मञ्च मा दर्शकहरु ले हेर्नै पर्ने उदाहरणीय छ ।  अझ थप हेर्न मण्डला मै गएर हेर्नु पर्ला ।