बिहीबार सुनको भाउ प्रतितोला ६ सयले घट्यो

१४ असार, काठमाडौं । बिहीबार सुनको भाउ प्रति तोला ६ सय रूपैयाँ घटेको छ । नेपाल सुनचाँदी व्यवसायी महासङ्घका अनुसार बुधबारको तुलनामा बिहीबार सुनको भाउ प्रति तोला ६ सय रूपैयाँले घटेको हो ।

बुधबार छापावाल सुनको भाउ प्रति तोला १ लाख १० हजार रूपैयाँमा कारोबार भएकोमा आज घटेर १ लाख ९ हजार ४ सय रूपैयाँमा झरेको छ । 

त्यस्तै, यसअघि प्रति तोला १ लाख ९ हजार ५ सय रूपैयाँ रहेको तेजावी सुनको भाउ आज १ लाख ८ हजार ९ सय रूपैयाँ कायम भएको छ 

यता, चाँदीको भाउ पनि प्रति तोला पाँच रूपैयाँले घटेको महासङ्घले जनाएको छ । यसअघि प्रति तोला १ हजार ३ सय ७५ रूपैयाँ रहेको चाँदीलाई आज १ हजार ३ सय ७० रूपैयाँ कायम भएको छ ।