सूर्योदय वोमी लघुवित्तको संस्थापक शेयर बिक्रीमा

१४ असार, काठमाडौं । सूर्योदय वोमी लघुवित्त वित्तीय संस्थाले करिब १ लाख कित्ता शेयर बिक्रीमा राखेको छ। संस्थाले विभिन्न संस्थापक शेयरधनीहरुको नाममा रहेको ९७ हजार २९२ कित्ता संस्थापक शेयर बिक्रीमा राखेको हो। जसमा देवराज चौलागाईंको २३ हजार ३१ कित्ता, विमला घिमिरेको १५ हजार ९२६ कित्ता, मनोज बस्नेतको ९ हजार कित्ता, कल्पना मास्केको ३० हजार १४२ कित्ता र मीन श्रेष्ठको १९ हजार १९३ कित्ता छन्। 

यो सेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। यसका लागि ३५ दिनको अवधि तोकिएको छ। 

यो अवधिभित्र संस्थापक शेयरधनीहरुले ललितपुरको महालक्ष्मी–४ स्थित संस्थाको कर्पोरेट कार्यालयमा गएर खरिद आवेदन दिनुपर्नेछ। यो अवधिभित्र संस्थापक शेयरधनीहरुबाट खरिद आवेदन नपरेको खण्डमा अन्य व्यक्ति तथा संघका लागि बिक्री खुला गरिने संस्थाले जनाएको छ।