ललितपुर अदालतकी महिला कर्मचारीमाथि हातपात, आरोपमा वकिल पक्राउ

१४ असार, काठमाडौं । ललितपुर जिल्ला अदालतमा कार्यरत महिला कर्मचारीमाथि हातपात भएको छ । आतपात गरेको आरोपमा कानुन व्यवसायी अमिर लामछिानेलाई प्रहरीले पक्राउ गरेको छ । 

आफूलाई हात पात गरेको भन्दै नासु प्रेमिका तामाङले प्रहरीमा उजुरीका आधारमा प्रहरीले लामिछानेलाई बुधबार पक्राउ गरेको हो । मुद्दाको फाइल हेर्नेक्रममा सुरु भएको विवादमा लामिछानेले हातपात गरेको तामाङको दाबी छ । हातपातबाट तामाङको मुखमा चोट लागेको र सर्टसमेत च्यातिएको छ ।

उजुरी परेपछि लामिछानेलाई पक्राउ गरी अनुसन्धान सुरु गरिएको ललितपुर प्रहरी परिसर प्रमुख सिद्धिविक्रम शाहले  बताए । 

तर अभियुक्त लामिछानेले भने फाइल तानातान गर्दा चोट लागेको बताएको बयान दिएका छन् । उनीमाथि अभद्र व्यवहार कसुरमा अनुसन्धान भइरहेको प्रमुख शाहले बताए ।