साताको अन्तिम दिन सुनको मूल्य बढ्यो

१५ असार, काठमाडौं । चालू साताको अन्तिम कारोबार दिन शुक्रबार सुनको भाउ सामान्य बढेको छ।  शुक्रबार सुनको भाउ तोलामा २०० रूपैयाँले बढेको छ । योसँगै प्रति तोला छापावाल सुन १ लाख ९ हजार ६०० रूपैयाँ र तेजाबी सुन १ लाख ९ हजार १०० रूपैयाँ कायम भएको छ। 

बिहीबार सुनको भाउ तोलामा ६०० रूपैयाँले घटेको थियो। यो दिन प्रति तोला छापावाल सुन १ लाख ९ हजार ४०० रूपैयाँ र तेजाबी सुन १ लाख ८ हजार ९०० रूपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

आज चाँदीको मूल्य तोलामा १० रूपैयाँले घटेर १ हजार ३६० रूपैयाँ कायम भएको छ। बिहीबार पनि तोलामा ५ रूपैयाँले घटेर चाँदी १ हजार ३७० रूपैयाँमा किनबेच भएको थियो।