आज तोरीको साग मुठोको ४० रूपैयाँ, अन्यको कति ?

१५ असार, काठमाडौं । कालिमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ ।

जसअनुसार लोकल गाजर प्रतिकेजी न्यूनतम् मूल्य १००, भारतीय प्याज सुकेको प्रतिकेजी मूल्य ४४, घिउ सिमी लोकल १००, कुरीलो प्रतिकेजी २००, काउली स्थानीय प्रतिकेजी ४० रूपैयाँ , आलु रातो ४३, नेपाली गोलभेँडा ठूलो ५०, टनेल गोलभेँडा सानो २५, लौका ७० कायम भइ कारोबार भइरहेको छ ।

त्यसैगरी डल्ले च्याउ प्रतिकेजी २४० रूपैयाँ , ब्रोकाउली ६०, कागती १५० रूपैयाँ, तोरीको साग ४० रूपैयाँ, न्यूरो ८० रूपैयाँ, रातो बन्दा प्रतिकेजी ६० रूपैयाँ ,लोकल काँक्रो ७०, गुन्द्रुक २५०, अदुवा प्रतिकेजी २८० रहेको समितिले जनाएको छ ।

समितिका अनुसार केरा दर्जन १४०, अनार ३८० रूपैयाँ, एभोकाडो ६०० रूपैयाँ, अंगुर कालो ५२०,हरियो खुर्सानी अकबरे १५० रूपैयाँ,रहु माछा। ३१५, ताजा माछा (मुंगरी)  ३२० रूपैयाँ कायम भइ खरिद बिक्री भइरहेको समितिले जनाएको छ ।

यस्तै, मालदह आँप ७०, हरियो धनियाँ १००, लोकल लीच्ची १००, खुर्सानी सुकेको ४५०, लसुन १५०, चाइनिज लसुन २१०, छ्यापी सुकेको १२० मा कारोबार भइरहेको छ ।