ललितानिवास प्रकरणका ३ अभियुक्तको बन्दी प्रत्यक्षीकरण रिटमाथि सुनुवाइ सकियो

१५ असार, काठमाडौं । सरकार स्वामित्वको ललितानिवास जग्गा हिनामिना मुद्दामा पक्राउ परी प्रहरी हिरासतमा रहेका ३ अभियुक्तले सर्वोच्च अदालतमा दायर बन्दी प्रत्यक्षीकरणा रिट दिवदेनमाथि सुनुवाइ सकिएको छ । 

न्यायाधीश कुमार चुडालको एकल इजलासमा शुक्रबार सुनुवाइ भएको हो । यही मंगलबार प्रहरीको केन्द्रीय अनुसन्धान ब्यूरोको टोलीको फन्दामा परेका मिनबहादुर गुरुङ, धर्मप्रसाद गौतम र सुधिर शाहले थुनामुक्तका लागि वारेसमार्फत बुधबार रिट दिएका थिए । 

ललिता निवासको ११२ रोपनी जग्गा नक्कली मोही र गुठी खडा गरी २०४९ देखि २०६९ सम्ममा व्यक्तिका नाममा गरेर हिनामिना गरेको पाइएपछि अनुसन्धानका पक्राउ गरिएको थियो ।