ललितानिवास प्रकरणमा हिरासतमा राखिएका ३ अभियुक्तको रिटमा कारण देखाउ आदेश जारी

१५ असार, काठमाडौं । प्रधानमन्त्रीको सरकारी निवास बालुवाटारको  ललितानिवासको जग्गा हिनामिना गरेको आरोपमा पक्राउ परेका ३ जना अभियुक्तले दायर गरेको बन्दी प्रत्यक्षीकरण रिछ निवदेनमा सर्वोच्च अदालतले सरकारको नाममा कारण देखाउ आदेश जारी गरेको छ । 

न्यायाधीश कुमार चुडालको एकल इजलासमा आज सुनुवाइ गर्दै हिरात थुनामा राख्नुका लिखित कारण पेस गर्न आदेश जारी भएको हो । हिनामिनाको आरोपमा मिनबहादुर गुरूङ, सुधिर शाह र धर्मप्रसाद गौतम मंगलबारदेखि हिरासतमा छन् । 

उनीहरूलाई पक्राउ गर्नुको कारण र आधारसहित बाटाको म्यादबाहेक २४ घण्टाभित्र महान्यायाधिवक्ताको कार्यालयमार्फत जवाफ पेस गर्न आदेश दिएको छ ।

उनीहरुलाई नेपाल प्रहरीको केन्द्रीय अनुसन्धान ब्यूरो (सीआईबी)को टोलीले मंगलबार बिहान पक्राउ गरी जिल्ला अदालत काठमाडौंबाट ७ दिनको अनुमति लिई अनुसन्धान जारी राखेको छ । 

अभियुक्त तीनै जनाले आफूहरुलाई गैरकानूनी रुपमा पक्राउ गरी गैरन्यायिक तवरले हिरासतमा राखेको भन्दै वारेसमार्फत बिहीबार रिट दायर गराएका थिए । प्रकरणमा अन्इ ४ जनाले भने पक्राउ पर्नुपहिल्यै जिल्ला अदालत काठमाडौंबाट पक्राउ गर्नबाट रोक्न ‘स्टे अर्डर’ लिएर बसेका कारण पक्राउ परेकै दिन  (मंगलबार) प्रहरीले बोलाउनेबखत उपस्थित हुने गरी कागज गराई छाडेको छ ।