ललितपुर जिल्ला अदालतका कर्मचारीले आइतबार पेन डाउन गर्ने

१५ असार, काटमाडौं । अदालतका कर्मचारी प्रेमिका सुब्बामाथि वकिलले कुटपिट गरी घाइते तुल्याएका घटनामा अदालतका कर्मचारीहरु विरोधमा उत्रिने भएका छन् ।

नायब सुब्बा प्रेमिका तामाङलाई कुटपिट गर्नेमाथि कारवाही गर्न माग गर्दै अदालतका कर्मचारीले आउने आइतबार पेन डाउन गर्ने घोषणा गरेका छन् । बिहीबार फाइल हेर्ने क्रममा कानुन व्यवसायी अमिर लामिछानेले हातपात गर्दा कर्मचारी तामाङको मुखमा चोट लाग्नुका साथै सर्ट च्यातिएको दाबी गरिएको छ ।

चार वटा सङ्घ सङ्गठनले आज संयुक्त विज्ञप्ति जारी गर्दै कुटपिटको विरुद्ध अदालतका कर्मचारीहरूले असार १७ गते बिहान १० बजेदेखि १ः३० बजेसम्म पेन डाउन गर्ने जनाएका छन् । 

विज्ञप्तिमा कार्यालय समयमा कार्यालयभित्र कर्मचारीमाथि कुटपिट गर्ने कानुन व्यवसायी (वकिल) लामिछानेलाई कानुनबमोजिम कारबाहीको माग समेत गरिएको छ ।साथै कर्मचारीको सुरक्षाको ग्यारेन्टी गर्न पनि सर्वोच्च अदालत प्रशासनको ध्यानाकर्षण गराएको छ ।  

लामिछानेलाई झुटा आरोपमा पक्राउ गरिएको भन्दै रिहाईको मागसहित उच्च अदालत पाटनमा रिट दायर गराएको छ । 

यो पनि पढ्नुहोस