आदिवासी जनजातिको सहभागिताले कांग्रेस बलियो हुन्छ : सभापति देउवा

१५ असार, ललितपुर । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले नेपालका विभिन्न भाषा र संस्कृति पर्यटनको मुख्य आधार भएको बताएका छन् । 

शुक्रवार पार्टी केन्द्रीय कार्यालय सानेपामा आयोजित प्रशिक्षण कार्यक्रमलाई सम्बोधन गर्दै सभापति देउवाले आदिवासी जनजातिको मौलिक भेषभुषा र भाषा, धर्म–संस्कृति मुलुकका पर्यटनको बलियो आधार हुन सक्ने बताए । 

आदिवासी जनजातिको भाषा र संस्कृतिको संरक्षण गर्दा राज्यलाई नै फाइदा हुने बताए । उनले पार्टीले चाहेर पनि विभिन्न कारणले आदिवासी जनजातिको सहभागिता सबै क्षेत्रमा उल्लेख्य रहेपनि सन्तोषजनक नरहेको बताए । सहभागिता बढाउन सबै मिलेर अगाडि बढ्नुपर्नेमा जोड दिए । 

उनले आदिवासी जनजातीको सहभागिता सबै क्षेत्रमा सन्तोषजनक बनाउन सबै मिलेर लाग्नुपर्ने बताए ।
आदिवासी जनतातिको सहभागिता बढ्दा कांग्रेस  बलियो र प्रभावशाली बन्ने धारणा राखे ।

‘आदिवासी जनजातीको भाषा र संस्कृतिको संरक्षण गर्दा राज्यलाई नै फाइदा हुने हो । पर्यटनको मुख्य आधार पनि यही बन्न सक्दछ’ उनले भने, ‘हामीले चाहेर पनि विभिन्न कारणले आदिवासी जनजातिको सहभागिता विभिन्न क्षेत्रमा अझै सन्तोषजनक छैन । यसका लागि हामी सबै लाग्नुपर्छ । म पनि लाग्छु ।’