सरकारले सवारी तथा यातायात व्यवस्थासम्बन्धी नियमावली संशोधन गर्ने

१५ असार, काठमाडौं । सरकारले सवारी तथा यातायात व्यवस्थासम्बन्धी नियमावली संशोधन गर्ने भएको छ । मन्त्रिपरिषदको निर्णय सार्वजनिक गर्न शुक्रबार सिंहदरबारमा आयोजित पत्रकार सम्मेलनमा सरकारका प्रवक्ता रेखा शर्माले मन्त्रिपरिषदको विधेयक समितिबाट पेश भएको सवारी तथा यातायात व्यवस्था-नवौं संशोधन नियमावली २०८० स्वीकृत गर्ने निर्णय गरेको जानकारी दिइन् । 

बैठकले असार २० गतेदेखि अजरवैजानको बाकुमा हुने असंलग्न राष्ट्रहरुको मन्त्रिस्तरीय बैठक र असार १८ गतेदेखि सुरु हुने उच्च अधिकारीहरुको बैठकमा नेपालको तर्फबाट प्रतिनिधित्व गर्न परराष्ट्रमन्त्रकिो नेतृत्वमो नेपाली प्रतिनिधिमण्डलको गठन गर्ने निर्णय गरेको छ भने सार्वजनिक सडकसम्बन्धी कानुनलाई संशोधन र एकीकृत गर्त बनेको विधेयकको अवधारणापत्र अनुसार कानुन तर्जुमा गर्न सैद्धान्तिक स्वीकृति प्रदान गर्ने निर्णय पनि गरेको प्रवक्ता शर्माले बताइन् । 

बैठकले साउन ८ गतेदेखि अबुधावीमा हुने सौर्य गठबन्धनको क्षेत्रीय समितिको पाँर्चौ बैठकमा सहभागी हुन ऊर्जामन्त्रीलाई स्वीकृति दिने निर्णय गरेको उनले बताइन् ।  पत्रकार सम्मेलनका सरकारका प्रवक्ता शर्माले सरकारको ध्यान सुशासनतर्फ केन्द्रीत रहेकाले कुनै पनि भ्रष्टाचारको प्रकरणका दोषीलाई उन्मुक्ती दिन नसकिने स्पष्ट पारिन् । 

त्यस्तै उनले कोशी प्रदेशको नामाङ्करण विरोधीहरुले आन्दोलनका क्रममा नेताहरुमाथि गरेको आक्रमणका घटनाप्रति दुख व्यक्त गर्दै यस बिषयमा सरकार गम्भीर रहेको बताइन् । उनले कोशी प्रदेशका देखिएको समस्या समाधानका लागि केन्द्र सरकारले आवश्यक समन्वय गर्ने जिकिर गरिन् । 

((