कर्मचारीमाथि कुटपिटको विरोधमा सर्वोच्चसहित देशभरका अदालत ठप्प

१७ असार, काठमाडौं । जिल्ला अदालत ललितपुरकी कर्मचारी प्रेमिका तामाङमाथि भएको कुटपिटको विरोधमा देशभरका जिल्लादेखि सर्वोच्च अदालतका कर्मचारीहरुले पेन डाउन गरेर कामकाज ठप्प पारेका छन् । 

वकिल अमिर लामिछानेले जिल्ला अदालत ललितपुरकी नायव सुब्बा प्रेमिका तामाङलाई गत बुधबार कार्यकक्षभित्रै अपराह्न कुटपिट गरी घाइते बनाइदिएका थिए । लामिछाने पक्राउ परी अुनसन्धानका क्रममा प्रहरीको न्यायिक हिरासतमा रहेपनि कारवाहीबाट छुटकरा दिलाई थुनामुक्तको प्रयास भएको भन्दै कारवाहीको माग गर्दै जिल्ला, उच्च र सर्वोच्च अदालतका कर्मचारीहरु आन्दोलनमा उत्रिएका हुन् ।

उनीहरुले कर्मचारीमाथि कुटपिट गर्नेलाई कडा कारवाही गर्नुपर्ने, सुरक्षाको ग्यारेन्टी गर्नुपर्ने र निर्वाध रुपमा काम गर्ने वातावरण बनाउनुपर्ने लगायत माग गरेका छन् । पेनडाउन कार्यक्रम साढे १ बजेसम्म जारी रहने बताएका छन् । 

विरोधका कारण सर्वोच्च अदालतदेखि जिल्ला अदालतसम्ममा बेञ्ज बस्न सकेको छैन । बञ्ज बस्न नसक्दा सुनुवाइ ठप्प भएको छ । नायब सुब्बा तामा«माथि कुटपिट गर्ने दोषीलाई कारवाही गर्न र देशभरका अदालतका कर्मचारीको सुरक्षाको ग्यारेन्टी गराउन निश्चित समय कामकावाही ठी िपारेको सर्वोच्च अदालत नेपाल कर्मचारी युनियन अध्यक्ष नरेश कार्कीले बताए । पीडकलाई कारवाही र कर्मचारीको सुरक्षा ग्यारेन्टी हुने भरपर्दो आधार नभए आन्दोलनका थप कार्यक्रम घोषणा हुने उनले बताए ।

फाइल हेर्ने क्रममा चलेको विवादमा लामिछानेले नासु तामाङमाथि कुटपिट गरेको र यसबाट तामाङको सर्ट च्यातिनुका साथै मुखमा चोट लागेको थियो । लामिछानेलाई सोही दिन पक्राउ गरिएको थियो ।

यो पनि पढ्नुहोस