भनेकै मन्त्रालय दिएर सीके राउतलाई सरकारमा ल्याउन प्रधानमन्त्रीको कसरत

१७ असार, काठमाडौं । बजेटप्रति असन्तुष्ट जनाउँदै सरकारलाई दिएको समर्थन फिर्ता लिने तयारीमा रहेको सत्तारुढ दल जनतम पार्टी सरकारमा सहभागी हुन सकारात्मक देखिएको छ ।

आइतबार बिहान प्रधानमन्त्री पुष्पकमल दाहाल ‘प्रचण्ड’ले जनमतका अध्यक्ष सिके राउतसँग भेटवार्ता गरेपछि सरकारमा सहभागी हुन सकारात्मक देखिएको हो । 

जनमतले कृषि वा उद्योग मन्त्रालय पाउनुपर्ने माग गर्दै आइरहेको छ । त्यसमा प्रधानमन्त्रीले आफू सकारात्मक रहेको जवाफ दिएपछि राउतले पार्टी सरकारमा जाने वातावरण बन्ने क्रममारहेको बताए । 

प्रधानमन्त्री प्रचण्डले राउतलाई आइतबार बालुवाटार बोलाएर सरकारमा ल्याउन वार्ता कसरत गरेका हुन् । प्रमले राउतलाई गठबन्धनको बैठक राखेर मन्त्रालयको टुंगो लगाउने आश्वसन दिएका छन् ।