एसईईको नतिजा शनिबारभित्र आउँछः परीक्षा बोर्ड

१७ असार, काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा यही साता निकाल्ने तयारी गरेको छ । त्यसका लागि अन्तिम तयारी भइरहेको परीक्षा नियन्त्रण कार्यालयले जनाएको छ । 

बुधबारसम्म नतिजा प्रकाशित गर्ने गरी काम भइरहेको जनाइएको छ । परीक्षा नियन्त्रक विष्णुनारायण श्रेष्ठका अनुसार यही हप्ता नतिजा सार्वजनिक गर्ने लक्ष्यका साथ काम भइरहेको छ । नतिजा रुजु र इन्ट्री गर्ने काम भइरहेको छ । अन्तिम रुजु र इन्ट्री गर्ने प्राविधिक प्रकृतिको काम सकिन बाँकी छ । 

प्राविधिक समस्या नआए शनिवार नतिजा प्रकाशन बोर्डको तयारी छ । गत चैत १७ गतेदेखि सञ्चालित परीक्षामा ४ लाख ८५ हजार ३ सय ९६ विद्यार्थी सहभागी थिए । यसपालि एसईई दिने विद्यार्थी पुरानो पाठ्यक्रमको अन्तिम व्याच हुन् । यस वर्षको नतिजामा बोर्डल पुरानै ग्रेडिङ प्रणालीअनुसार ग्रेड छुट्याउने भएको छ ।   

देशभरका २ हजार ३७ परीक्षा केन्द्रमा सञ्चालित परीक्षामा सामुदायिक र निजीका गरी १२ हजार ८३ विद्यालयका विद्यार्थी सहभागी थिए । ती मध्ये २ लाख ४२ हजार ७ सय १२ जना छात्रा र २ लाख ४२ हजार ६ सय ७४ जना छात्र रहेका छन् । कक्षा ९ देखि प्राविधिक धार समेत पठनपाठन गराउँदै आएका ५ सय ५ विद्यार्थीका १५ हजार ४ सय ६१ जना परीक्षार्थी पनि एसईईमा सहभागी थिए ।