सोमबार सुनको मूल्य सामान्य घट्दा चाँदीको स्थिर

१८ असार, काठमाडौं  । सोमबार नेपाली बजारमा सुनको मूल्य सामान्य घटेको छ भने चाँदीको मूल्य स्थिर रहेको छ। आइतबार प्रति तोला ५०० रूपैयाँ बढेको सुनको भाउ सोमबार प्रति तोला १०० रूपैयाँ घटेको हो।

नेपाल सुनचाँदी व्यवसायी महासंघका अनुसार सोमबार छापावाल सुन प्रति तोला १ लाख १० हजार रूपैयाँ र तेजाबी सुन प्रति तोला १ लाख ९ हजार ५०० रूपैयाँमा कारोबार भइरहेको छ।

आइतबार छापावाल सुन प्रति तोला १ लाख १० हजार १०० रूपैयाँ र तेजाबी सुन प्रति तोला १ लाख नौ हजार ५५० रूपैयाँमा कारोबार भएको थियो।  

त्यसैगरी, सोमबार चाँदीको मूल्य भने स्थिर रहेको छ। आइतबार प्रति तोला १३ सय ७० रूपैयाँमा कारोबार भएको चाँदी सोमबार पनि सोही मूल्यमा किनबेच भइरहेको छ।