ङादी ग्रुप पावरले शतप्रतिशत हकप्रद शेयर जारी गर्ने

१८ असार, काठमाडौं  । ङादी ग्रुप पावरले १०० प्रतिशत  हकप्रद शेयर जारी गर्ने निर्णय गरेको छ । यस कम्पनीको आइतबार बसेको सञ्चालक समिति बैठकले हाल कायम चुक्ता पुँजीमा १ः१ अनुपातमा हकप्रद शेयर जारी गर्ने निर्णय गरेको हो । 

हकप्रद शेयर स्वीकृतिका लागि विद्युत नियमन आयोगमा प्रस्ताव पेस हुनेछ । त्यसपछि प्रस्ताव साधारण सभामा पेस हुनेछ । सभाबाट पारित भएर नियामक निकायहरूको अनुमतिपछि मात्र सेयर जारी हुनेछ ।

कम्पनीले हकप्रद सेयरबाट प्राप्त रकम आयोजनाको मर्मत संभार गर्न, ऋण तिर्न साथै नयाँ आयोजनामा लगानी गर्न प्रयोग गर्ने जनाएको छ । हाल यस हाइड्रोपावरको चुक्ता पुँजी  १ अर्ब ८५ करोड १२ लाख ७९ हजार २०० रूपैयाँ रहेको छ । १०० प्रतिशत हकप्रद सेयर जारी गरेपछि यसको पुँजी ३ अर्ब ७० करोड २५ लाख ५८ हजार रूपैयाँ पुग्नेछ ।