राष्ट्र बैंकमार्फत २९ अर्ब ६६ करोड आन्तरिक ऋण उठाउँदै सरकार

१८ असार, काठमाडौं । सरकारले असार १९ गते २९ अर्ब ६६ करोड रुपैयाँ बराबर आन्तरिक ऋण उठाउने भएको छ । राष्ट्र बैंकमार्फत सरकारले कूल २९ अर्ब ६६ करोड ६५ लाख रुपैयाँ बराबरको ट्रेजरी जारी गर्ने भएको हो ।

कूल रकममध्ये २४ अर्ब ६६ करोड ६५ लाख रुपैयाँ पुरानै ट्रेजरीको नवीकरण गरेर बाँकी रहेको ५ अर्ब रुपैयाँको नयाँ ट्रेजरी जारी गरिने केन्द्रीय बैंकले सोमबार जनाएको छ । 

इच्छुक बैंक तथा वित्तीय संस्थाले असार १८ गते अर्थात् आज दिउँसो ३ बजेभित्र आवदेन दिन सक्नेछन् । यसअघि केन्द्रीय बैंकले असार ११ गते २४ अर्ब २५ करोड रुपैयाँ बराबरको ट्रेजरी जारी गरेको थियो । नयाँ ५अर्बको ऋणपत्रको अवधि भने एक सय ८२ दिन तोकिएको छ । 

ऋणको औसत ब्याजदर ५.६१ देखि ७.१९ प्रतिशतसम्म कायम भएको छ ।