कोशीमा कांग्रेसका उद्धव थापालाई मुख्यमन्त्रीकाे उम्मेदवार बनाउने गठबन्धनको निर्णय

१८ असार, काठमाडौं । सत्ता गठबन्धनको बैठकले कोशी प्रदेशको मुख्यमन्त्री कांग्रेसलाई दिने निर्णय गरेको । सोमबार दिउँसो प्रधानमन्त्रीनिवास बालुवाटारमा बसेको गठबन्धनको बैठकले कांग्रेसका कोशी प्रदेश संसदीय दलका नेता उद्धव थापालाई मुख्यमन्त्री बनाउने निर्णय गरेको हो ।

प्रधानमन्त्री निवास बालुवाटारमा सोमबार बसेको बैठकले कांग्रेस कोशी प्रदेश संसदीय दलका नेता थापालाई मुख्यमन्त्री बनाउन समझदारी बनेको हो । 

यसअघि सम्म माओवादी केन्द्रका नेता इन्द्र आङबोले दाबी गर्दै आइरहेका बेला गठबन्धनको बैठकले कांग्रेसका नेता थापालाई मुख्यमन्त्रीमा उम्मेदवार बनाउने निर्णय भएको हो । 

एमाले नेतृत्वको सरकार ढलेपछि प्रदेश प्रमुख परशुराम खापुङले यही असार २१ गते साँझ ५ बजेभित्र दलहरुलाई दुई वा दुई भन्दा बढी मिलेर मुख्यमन्त्रीमा दाबी पेस गर्न आइतबार नै आह्वान गरिसकेका छन् ।