फर्जी कागजका भरमा बैंक ऋण प्रवाह गरेको आरोपमा एक जना पक्राउ

१९ असार, काठमाडौं । नक्कली कागजातका भरमा ऋण प्रवाह गरेको आरोपमा आरोपमा प्रहरीले एक जनालाई पक्राउ गरेको छ । पक्राउ पर्नेमा राजविराज नगरपालिका–९ का मोहम्मद सद्धाम रहेका छन् । 

उनले श्रीमती आसमा खातुन प्रोप्राइटर रहेको एएस ट्रेडर्स एन्ड सप्लायर्सका नामबाट एनआईसी एसिया बैंकको राजविराज शाखाबाट  २ करोड ८० लाख ऋण प्रवाह गरेको पाइएपछि अनुसन्धानका लागि सोमबार पक्राउ गरिएको प्रहरीले जनाएको छ ।

सप्लार्यसले फर्जी लालपूर्जा, लिखत पेस गरेर ऋण पाउन प्रस्ताव गरेका कागजातका भरमा ऋण प्रवाह गरेर संस्थालाई हानी नोक्सानी पुर्याउने र जालसाजी तथा कीर्ते कसुरमा अनुसन्धान हुने प्रहरीले जनाएको छ । 

सप्लायर्सका मालिक आसमा खातुन हुन् । खातुन सद्धामकी श्रीमती भएको खुलेको छ । दुवै जनाको मिलेमतोमा नक्कली कागजातमा ऋण दिने र लिने घटना भएको पाइएको छ ।