प्रतिनिधिसभा बैठक बस्दै, मुलुकी संहितासम्बन्धी ऐन संशोधन गर्ने विधेयक पारित गर्ने तयारी

२० असार, काठमाडौं । संसद्का दुवै सदन प्रतिनिधि सभा र राष्ट्रिय सभाका बैठक आज बस्दैछन् । राष्ट्रियसभा बैठक दिउँसो २ बजेर ३१ मिनेट र प्रतिनिधि सभाको बैठक दिउँसो ३ बजे सुरु हुँदैछ । 

बैठकमा मुलुकी संहितासम्बन्धी केही नेपाल ऐनलाई संशोधन गर्ने विधेयक, २०८०’ पारित गर्ने तयारी गरेको छ ।अनुचित लेनदेन गरी साहुहरुले चर्को ब्याज र स्याज असुलेर घरखेत नै उठीवास गरेपछि त्यस्ता साहु (व्यक्ति)लाई कारवाहीको दायरामा ल्याउन सरकारले गत बैशाखमा ल्याएको अध्यादेशलाई संसदमा छलफल गराएपछि सरकारले मुलुकी फौजदारी संहिता २०७४ लाई संशोधन गर्न उक्त विधेयक ल्याएको हो । विधेयकमा सोमबार सांसदहरुले सुझावसहित धारणा राखिसकेका छन् ।

अध्यादेशबमोजिम मिटरब्याजी (अनुचित लेनदेन) जाँचबुझ आयोग गठन गरेर जनकपुरमा मुख्यालय खडा गरी काम गरिरहेको छ । मिटरब्याजीललाई​​​​​​​ फौजदारी कसुरमा कारवाहीका लागि ऐन संशोधन गर्न लागिएकोृ हो ।

यस्तै , बैठकमा राष्ट्रिय सभामा उत्पत्ति भएर बहुमतले पारितपछि पठाइएको ‘नेपाल विश्वविद्यालय विधेयक, २०८०’लाई कानुन मन्त्री धनराज गुरुङले दफाबार छलफल गर्न बैठकमा प्रस्ताव प्रस्तुत गर्नेछन् । 

राष्ट्रियसभा बैठकमा भने सामान्य, ऊर्जा, स्वास्थ्य, परराष्ट्र र खानेपानी लगायत पाँच मन्त्रालयको विनियोजन शीर्षकमाथि छलफल हुनेछ । मंगलबरको बैठकमा पर्यटन, भूमि व्यवस्था, भौतिक पूर्वाधार लागतय ४ मन्त्रालयमाथि विनियोजित बजेट शिर्षकमा छलफल भइसकेका छन् ।