अवराेध नहटने भएपछि सूचना टाँस गरेर राष्ट्रियसभा बैठक स्थगित

२० असार, काठमाडौं । प्रधानमन्त्री पुष्पकमल दाहाल ‘प्रचण्ड’को अभिव्यक्तिलाई लिएर प्रमुख प्रतिपक्षी नेकपा (एमाले)ले अवरोध गरेपछि १५ मिनेटका लागि स्थगित गरेको राष्ट्रिय सभा बैठक सूचना टाँसेर स्थगित भएको छ ।

बुधबार दिउँसो २ः३१ बजे मन्त्रालयगत विनियोजन विधेयक बजेटमाथि छलफल गर्न बसेको बैठकमा एमालेले प्रधानमन्त्री प्रचण्डले सार्रजनिक रूपमा आफूलाई प्रधानमन्त्री भारतले बनाएको भनेर अभिव्यक्ति दिएको भन्दै बैठक अवरुद्ध पारेको थियो । 

निरन्तर अवरुद्धपछि राष्ट्रियसभा अध्यक्ष गणेश तिमिल्सिनालेआजै बस्ने गरी १५ मिनेटका मिनेटका लागि बैठक स्थगित गरेका थिए । त्यसपछि बैठक बस्दै नबसी भोलि बिहीबार दिउँसो १ बजे बस्नेगरी सूचना टाँस गरेर  बैठक स्थगित भएकाे जानकारी संसद सचिवालयले दिएकाे छ ।