सार्वजनिक सवारी साधनमा नगद र सामान चोरीमा संलग्न ३ जना पक्राउ

२१ असार, काठमाडौं । प्रहरीले सार्वजनिक सवारीसाधानमा यात्रुको नगद तथा सामान चोरी गर्ने चार जनालाई उपत्यका अपराध अनुसन्धान कार्यालयको टोलीले पक्राउ गरेको छ । 

ललितपुरको ग्वार्कोमा सार्वजनिक गाडीमा यात्रा गरिरहेका विष्णु अधिकारीको झोलाबाट ७ हजार ४७ अमेरिकी डलर चोरी घटनामा परेको उजुरीमा ३ जनालाई पक्राउ गरेको हो ।

पक्राउ पर्नेहरुमा सिन्धुपाल्चोक इन्द्रवाती गाउँपालिका–६ घर भई हाल भक्तपुर ठिमी बस्ने ३१ वर्षीय सञ्जिव तामाङ, पर्साको ठोरी गाउँपालिका– ५ घर भई काठमाडौंको दक्षिणकाली बस्ने ३३ वर्षीय आइतमान तामाङ, सिन्धुपाल्चोकको लिसंखुपाखर गाउँपालिका–३ घर भई ललितपुरको इमाडोल बस्ने २१ वर्षीया सविना तामाङ रहेका छन् । 

चोरीको डलर सटही गर्ने एक महिलालाई प्रहरीले पक्राउ गरेको छ । पक्राउ पर्नेमा ललितपुरको ग्वार्कोकी ५८ वर्षीया मंगल लक्ष्मी श्रेष्ठ रहेकी छन् । श्रेष्ठको साथबाट डल र नेपाली २ लाख रुपैयाँ पनि बरामद भएकोा प्रहरीले जनाएको छ । उनीहरुविरुद्ध डकैती र संगठित चोरी कसुरमा अदालतमा म्याद थप लिई अनुसन्धान भइरहेको जनाइएको छ ।