नेपाली बजारमा सुनको मूल्य बढ्यो

२७ असार, काठमाडौं । नेपाली बजारमा बुधबार सुनको मूल्य बढेर कारोबार भएको छ । नेपाल सुनचाँदी व्यवसायी महासंघका अनुसार मंगलबार तोलामा १ लाख ११ हजार ३०० रूपैयाँमा कारोबार भएको छापावाल सुनको मूल्य तोलामा ३०० रूपैयाँ बढेर बुधबार १ लाख ११ जार ६०० रूपैयाँमा कारोबार भएको हो । 

यस्तै तेजावी सुन तोलामा १ लाख ११ हजार ५० रूपैयाँमा कारोबार भएको छ । त्यस्तै, चाँदीको मूल्य पनि सामान्य बढेर कारोबार भएको जनाएको छ । मंगलबार तोलामा १३९५ रूपैयाँमा कारोबार भएको चाँदीको मूल्य बुधबार बढेर तोलामा १४ सय रूपैयाँमा कारोबार भएको छ ।