मन्त्रीहरुको जवाफपछि अर्थमन्त्रीले प्रतिनिधिसभाबाट प्राप्त विनियोजन विधेयक पारित गर्न प्रस्ताव गर्ने

२८ असार, काठमाडौं । राष्ट्रियसभा बैठकमा आज पनि विनियोजन विधेयकमाथि छलफल जारी छ । आज आगामी आर्थिक वर्ष बिनियोजन बिद्येयक २०८०  पारित हुँदैछ । 

जसअनुसार आजको बैठकमा बिनियोजन बिद्येयकमामाथि उठेका प्रश्नको जवाफ सबन्धित मन्त्रीहरुले दिने कार्यक्रम तय भएको छ भने आजै खर्च कटौती सबन्धी प्रस्तावलाई बैठकमा निर्णयार्थ प्रस्तुत गरिने कार्यतालिका तय भएको छ ।

त्यसपछि अर्थमन्त्री प्रकाशशरण महतले प्रतिनिधिसभावाट सन्देशसहित प्राप्त बिनियोजन बिद्येयक २०८० लाई पारित गरियोस भन्ने प्रस्ताव प्रस्तुत गर्ने कार्यक्रम रहेको संघीय संसद सचिवालयका महासचिव भरतराज गौतमले जारी गरेको कार्यतालिकामा उल्लेख छ ।