व्यवस्था र अवस्था परिवर्तन आजको आवश्यक

दीपक शर्मा

३१ असार, बर्दिया । क्रान्तिकारी  कम्युनिष्ट पार्टि नेपालका  कर्णाली प्रदेश इन्चार्ज दीपक चलाउनेले जनयुद्धका सहिदहरुको सपना पुरा नभएको भन्दै सो अभियानमा आफुहरु लागी परेको बताएका छन् । 

क्रान्तिकारी कम्युनिष्ट पार्टी नेपाल बर्दियाको एकता अधिवेशन तथा प्रशिक्षण बैठकको उद्‍घाटन समारोहमा बोल्दै  कार्यालय सचिव समेत रहेका चलाउनेले यो अवस्था र व्यवस्थाको विरुद्धमा आम जनमानसको आक्रोस वढिरहेको दावि गर्दै जनताको माग अनुसार आफुहरुले योजना बनाइरहेको समेत बताए ।

यसै गरी क्रान्तिकारी कम्युनिष्ट  पार्टी नेपाल बाँकेका इन्चार्ज दिपक शाहिले क्रान्ति अझै पुरा नभएको हुँदा फेरी एक पटक जुर्मुराउनु पर्ने बेला आएको बताए । 

एकता अधिवेशनले जिल्ला कमिटी गठन गरेको छ जसमा संयोजक डिलमान केसी सह संयोजक हार्दिक सहित ५४ जना रहेका छन भने जिल्ला इन्चार्ज विष्णु  परियार शक्तिलाई चयन  गरिएको सो पार्टी जनाएको छ । साथै भेलाले कार्य विभाजन तथा संर्घषका कार्यक्रम पनि तय गरेको छ ।