ललितानिवास प्रकरणका चार आरोपीको बन्दी प्रत्यक्षीकरणकाे रिट न्यायाधीश ढुंगाना र सुवेदीको इजलासमा

१ साउन, काठमाडौं । ललितनिवास जग्गा हिनामिना प्रकरणमा पक्राउ परेका बहालवाला सचिव कृष्णबहादुर राउतसहित चार जनाको बन्दी प्रत्यक्षीकरणसम्बन्धी रिट न्यायाधीश द्वय प्रकाशकुमार ढुंगाना र नहकुल सुवेदीको इजलासमा परेको छ ।

सञ्चार तथा सूचना प्रविधि मन्त्रालयका सचिव राउत पक्राउ परेपछि उनका तर्फबाट सर्वोच्च अदालतमा बन्दीप्रत्यक्षीकरणको निवेदन दिइएको थियो । उनको निवेदनमाथि सुनुवाइ गर्दै बन्दीप्रत्यक्षीकरण आदेश किन नहुने भन्दै सरकारका नाममा कारण देखाऊ आदेश जारी गरिएको थियो ।

सरकारको लिखित जवाफसहित उनीसँगै पूर्व निर्वाचन आयुक्त सुधीरकुमार शाह, धर्मप्रसाद गौतम र भाटभटेनी सुपरमार्केटका सञ्चालक मीनबहादुर गुरुङको निवेदन पनि एकसाथ सुनुवाइ हुँदै छ ।