डीएसपी पाण्डे र इन्सपेक्टर साहमाथि कारवाहीको माग गर्दै कलैयामा कांग्रेसकाे प्रदर्शनमा
नेपालबहस संवाददाता
साउन ५, २०८० शुक्रबार ११:२३:४४
५ साउन, बारा । नेपाली कांग्रेस बाराले घटनामा संलग्न प्रहरी अधिकृतको निलम्बन तथा जिल्ला प्रहरी कार्यालय बाराका प्रमुख होविन्द्र बोगटीमाथि कारवाही र सरुवाको माग गरेका छन् । नेपाली कांग्रेस बाराले जिल्ला सचिव भैयाराम यादवमाथि कुटपिट गर्ने प्रहरी अधिकृतलाई निलम्बन र जिल्ला प्रहरी कार्यालय बाराका प्रमुख होविन्द्र बोगटीमाथि कारवाहीसहित तत्काल सरुवा गर्न माग गर्दै प्रदर्शनमा उत्रिएको छ ।
यसअघि नेपाली कांग्रेस बाराले बिहीबार पनि कलैयामा प्रदर्शन गरेकाे थियाे । बारामा पछिल्लो समय बिनाकारण प्रहरीले आफ्नाे जिम्मेवारी भुलेर बाराका प्रहरी प्रमुख तथा प्रहरी उपरीक्षक बोगटीको निर्देशनमा प्रहरी दमन बढ्दै गएको र प्रहरी नै गुण्डा शैलीमा प्रस्तुत भएको भन्दै कांग्रेस बाराले उनीहरूलाई कारबाहीको माग गरेको हो । एक वर्ष भन्दा लामो समय बारामा बिताएका प्रहरी उपरीक्षक बोगटीले आफ्नो सरुवा पटक पटक थमौती गर्नुमा पनि स्वार्थ रहेको र यहाँका प्रहरीले शान्ति सुरक्षामा भन्दा पनि निजी स्वार्थमा बढी केन्द्रित रहेको उनीहरूको आरोप छ ।
प्रहरीले जिल्ला प्रहरी कार्यालय परिसरमा सोमबार राति दलका प्रतिनिधिलाई बिनाकारण कुटपिट गर्छ भने अन्य सर्वसाधारण र थुनामा रहेकाको स्थिति कल्पनासमेत गर्न नसकिने भन्दै यादवमाथि कुटपिट भएको घटनापछि आन्दोलित बनेको कांग्रेसले प्रहरी विरुद्धको प्रदर्शन जारी राखेको हो । कांग्रेसले प्रहरी प्रवक्ता एवं प्रहरी नायव उपरीक्षक पुरुषोत्तम पाण्डे र प्रहरी निरीक्षक रुपेश साहलाई निलम्बन तथा बाराका प्रहरी प्रमुख तथा प्रहरी उपरीक्षक बोगटीको सरुवा नगरेसम्म आन्दोलन नरोक्ने चेतावनी समेत दिएको छ ।
प्रहरी अधिकारी द्वय पाण्डे र साहले सचिव यादवलाई कार्यालय परिसरमा कुटपिट गर्दै थुनेर मानसिक यातना दिएको कांग्रेसको आरोप छ भने उनीहरूले बाराका प्रहरी प्रमुख तथा प्रहरी उपरीक्षक बोगटीको निर्देशनमा सो कुटपिट भएको आरोप लगाएका छन । सवारी दुर्घटना सम्बन्धित विषयमा छलफल गर्न पुगेका बेला यादवमाथि कुटपिट भएको भन्दै कांग्रेसले बुधबार प्रमुख जिल्ला अधिकारी नवराज सापकोटालाई ज्ञापनपत्र समेत बुझाएको थियो ।
प्रहरीले कांग्रेस सचिव यादवमाथि कुटपिट गर्दा आफ्नो पार्टीका जिल्ला उपसचिव ध्रुव यादवमाथि समेत दुर्व्यवहार भएको भन्दै एकीकृत समाजवादीले समेत कांग्रेसको मागमा समर्थन जनाएको छ । दुवै पार्टीको संयुक्त आयोजनामा प्रहरी विरुद्ध विरोध सभाको समेत आयोजना गरिएको थियो ।
विरोध सभामा नेपाली कांग्रेसका नेता एवं महागढीमाई नगरपालिकाका नगर प्रमुख उपेन्द्र यादव, कांग्रेस जिल्ला सचिव राजेश रौनियार, नेकपा एसका जिल्ला सचिव विक्रम ठाकुर लगायतले सम्बोधन गरेका थिए ।
कलैया–बघवन सडकमा तीन साताअघि भएको पिकअप भ्यान र मोटरसाइकल एक आपसमा ठोक्किएर भएको दुर्घटनाको विषयमा छलफल गर्न कांग्रेस सचिव यादव सोमबार साँझ जिल्ला प्रहरी कार्यालय पुगेका थिए । सो क्रममा प्रहरी निरीक्षक साहले ‘सबै बिगारेको पञ्चहरूले हो, सबै पञ्च दलाल हुन्’ भनेपछि आफूले उक्त शब्दको विरोध गरेका र विरोध गर्ने क्रममा आफूमाथि कुटपिट भएको यादवले बताएका छन् । कुटपिटबाट यादवको अनुहारमा चोट लागेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपट्राफिकको यान्त्रिक चेकिङमा ५३ जना चालकमाथि कारबाही
जेठ २, २०८१ बुधबार
अबैध मकै, गहुँ र चिनी सहितको ट्रक नियन्त्रणमा
जेठ २, २०८१ बुधबार
अनलाइन सट्टेबाजीमा २ अर्बमाथि अवैध कारोबार गरेको आरोपमा काभ्रेका मदन ढुंगाना पक्राउ
बैशाख ३१, २०८१ सोमबार
क्रिकेटर सन्दीप लामिछानेको मुद्दा हेर्दाहेर्दैमा
नेपालबहस संवाददाता
जेठ १, २०८१ मंगलबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
नेपालबहस संवाददाता
जेठ २, २०८१ बुधबार
जङ्गली जनावरको आक्रमणबाट सातजनाको मृत्यु
जेठ ३, २०८१ बिहिबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
बोर्डिङमा भन्दा सामुदायिक विद्यालयमा आकर्षण
जेठ ४, २०८१ शुक्रबार
रुसलाई हतियार नदिएको किमकी बहिनी जोङको दाबी
जेठ ४, २०८१ शुक्रबार
महिला क्रिकेटको फाइनलमा सुदूरपश्चिम प्रदेश
जेठ ४, २०८१ शुक्रबार
संसदीय छानबिन समिति बनाउन कांग्रेसले गरेको मागमा विपक्षी दल एकजुट
जेठ ४, २०८१ शुक्रबार
प्रतिनिधिसभाको बैठक सूचना टाँसेर दिउँसो २ बजेका लागि सारियो
जेठ ४, २०८१ शुक्रबार
विक्कीको जन्मदिनमा कट्रिनाको विशेष पोस्ट, सामाजिक सञ्जालमा भाइरल
जेठ ४, २०८१ शुक्रबार