जनमत पार्टीले बोलायो केन्द्रीय समिति बैठक

९ साउन, काठमाडौं । जनमत पार्टीले केन्द्रीय कार्यकारिणी समिति र राजनीतिक समितिसहित केन्द्रीय समितिको बैठक बोलाइएको छ । पार्टीका प्रवक्ता शरदसिंह यादवले साउन १८ गते बिहान ७ बजे काठमाडौंमा बस्ने गरी बैठक बोलाइएको जानकारी दिए । 

केन्द्रीय सदस्यहरूलाई नागरिकता प्रमाणपत्रको प्रतिलिपि, मतदाता परिचय पत्रको प्रतिलिपि, एक प्रति पासपोर्ट साइजको फोटो ल्याउन भनिएको उनले बताए । नयाँ सदस्यको कागजात राख्नु र परिचय पत्र पनि बनाउन नागरिकता प्रमाणपत्रको प्रतिलिपि, मतदाता परिचय पत्रको प्रतिलिपि मागिएको हो ।