साढे ४३ करोडमा शिवशक्ति समूहले किन्यो लिलामीमा राखिएको श्रीराम सुगर मिल्स

१२ साउन, काठमाडौं । गोल्छा समूहले ऋण तिर्न नसकेपछि नेपाल बैंकले ३८ करोड ११ लाखमा लिलामी राखेको श्रीराम  सुगर मिल्स अनन्ततः ४३ करोड ६१ लाखमा शिवशक्ति समूहले खरिद गरेको छ । दुई अर्बभन्दा बढी खुद नोक्सानीमा गएपछि बन्द गरिएको श्रीराम सुगर मिल्स लामीमा राखिएको थिायो  । 

नेपाल बैंकले लिलामका लागि  न्यूनतम मूल्य ३८ करोड ११ हजार रुपैयाँ कायम गरिएकोमा बोलकबोलमा जाँदा ४३ करोड ६१ लाख शिवशक्ति समूहले सकारेको समूहले सकारेको नेपाल बैंकले जनाएको छ ।  गोल्छा र विशाल समूहको लगानी रहेको उक्त मिल्सको स्वामित्व शिवशक्तिले लिएपछि यसलाई शेयर कारोवारका लागि प्रक्रिया थाल्ने भएको छ । 

नेपाल स्टक एक्सचेञ्ज (नेप्से) मा सूचीकृत रहेको कम्पनीले २०७६ फागुन १३ गते सार्वजनिक सूचना प्रकाशित गरेर स्थायी रुपमा बन्द भएको घोषणा गरेको थियो । १६ वर्षदेखि कम्पनीको शेयर किनबेच नभएपनि नेपाल स्टक एक्सचेञ्जमा यस कम्पनीको चुक्ता पुँजी ३० करोड ३५ लाख ९९ हजार रुपैयाँ रहेको छ । 

यसमा नेपाल बैंको नेतृत्वमा राष्ट्रिय वाणिज्य बैंक, कर्मचारी सञ्चय कोष, हिमालयन बैंक र नेपाल इन्भेष्टमेन्ट मेगा बैंक लिमिटेड विभिन्न कर्जा शीर्षकमा कम्पनीमाथि लगानी गरेका थिए । नेपाल बैंकले जेठ ३२ गते सार्वजनिक सूचनामार्फत नै लिलामी प्रक्रिया अगाडि बढाएको थियो ।