बर्दिया कांग्रेसले जनप्रतिनिधिसहित १५ जनालाई सोध्यो स्पष्टीकरण

•दीपक शर्मा 

१५ साउन, बर्दिया । बर्दिया बहुमुखी क्याम्पस लक्षणाको व्यवस्थापन समितिको निर्वाचनमा विपक्षी टिमलाई सहयोग गरेको भन्दै नेपाली कांग्रेस अनुशासन समिति बर्दियाले १५ जनालाई स्पष्टीकरण सोधेको छ ।  

क्याम्पसको व्यवस्थापन समितिको निर्वाचनमा लोकतन्त्रिक उम्मेदवारलाई हराउनुको लागि महत्वपूर्ण भुमिका खेलेकाे भन्दै बाँसगढी नगर कार्य समितिको सिफारिसमा नेता , जनप्रतिनिधि र कार्यकर्तासहित  १५ जनालाई स्पष्टीकरण सोधिएको नेपाली कांग्रेस बर्दियाका अनुशासन  समितिका संयोजक जग्गा प्रसाद पाण्डेले बताए ।

क्याम्पसको निर्वाचनमा प्रतिपक्ष उम्मेदवारलाई जिताउनमा महत्वपूर्ण भुमिका खेलेको पार्टीको आधिकारिक उम्मेदवारलाई हराउनुको लागी महत्वपूर्ण भुमिका खेलेको प्रमाण फेला परेको हुदा स्पष्टीकरण सोधिएको बताइएको छ । स्पष्टीकरण पत्रमा चित्त बुझ्दो जवाफ नआएमा कार्वाही गरिने नेपाली कांग्रेस बर्दियाले जनाएको छ । 

नेपाली कांग्रेसका उम्मेदवार मानबहादुर  ओलीलाई पराजित गर्दै बाम गठबन्धनका उम्मेदवार सुन्दर ढकाल विजयी भएका थिए । उनि नेकपा एमालेका उम्मेदवार रहेका थिए । नेपाली  कांग्रेस बाँसगढी नगरपालिकाका नगर सचिव ओम प्रकाश पौडेलले उम्मेदवार छनौट कार्यदलले गरेको निर्णयलाई असहयोग गरेको हुँदा छनौट समिति र नगर समितिले जिल्ला अनुशासन समितिलाई सिफारिस गरेको बताए ।