बुधबार सुनचाँदीको मूल्यमा गिरावट, कतिमा हुँदै छ किनबेच ?

१७ साउन, काठमाडौं । बुधबार नेपाली बजारमा सुनचाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आज सुनको भाउ प्रति तोला ६ सय रुपैयाँ र चाँदी १५ रूपैयाँले घटेको हो ।

यसअघि प्रति तोला १ लाख १३ हजार रुपैयाँ रहेको छापावाल सुनको मूल्य आज १ लाख १२ हजार ४ सय रूपैयाँमा झरेको छ । भने १ लाख १२ हजार ४ सय ५० रुपैयाँ रहेको तेजावी सुन आज १ लाख ११ हजार ८ सय ५० रुपैयाँ रहेको छ । 

त्यस्तै, यसअघि प्रति तोला १ हजार ४ सय ७५ रुपैयाँ रहेको चाँदीलाई आज १ हजार ४ सय ६० रुपैयाँ पर्ने महासङ्घले जनाएको छ ।