सबै अस्पतालहरुलाई अनिवार्य आफ्नै फार्मेसी सञ्चालन गर्न मन्त्रालयको एकमहिने अल्टिमेटम, नगरे कारबाही

१८ साउन, काठमाडौं  । स्वास्थ्य तथा जनसंख्या मन्त्रालयले देशभरका सबै खाले अस्पताललाई आफ्नै फार्मेसी सञ्चालन गर्न निर्देशन दिएको छ । सबै अस्पतालले अनिवार्य रुपमा एक महिनाभित्र आफ्नै फार्मेसी खोल्नुपर्ने छ । अन्यथा अटेर गर्ने अस्पताल कारबाहीमा पर्नेछन् । 

फार्मेसी नभएका अस्पतालहरूलाई एक महिनाभित्र फार्मेसी सञ्चालनमा ल्याउन स्वास्थ्यको निर्देशन छ । हालसम्म आफ्नै स्वामित्वमा फार्मेसी नरहेका सबै खाले अस्पताललाई मन्त्रालयले पत्राचार गर्दै यस्तो निर्देशन दिएको हो । निर्देशनअनुसार नगरे कानुन बमोजिम कारबाही अघि बढाइने मन्त्रालयले जनाएको छ ।