बर्दियामा स्थानीयद्वारा वडा कार्यलय घेराउ

१८ साउन, बर्दिया । बर्दियाको राजापुर नगरपालिका वडा नं ७ का स्थानीयले वडा कार्यालय घेराउ गरेका छन् । आफुहरुको धानबाली डुबानमा पर्दासमेत सरकारले त्यसको रोकथामका लागि कुनै प्रयास नगरेको आरोप लगाउँदै उनीहरुहरुले वडा कार्यालय घेराउ गरेका हुन् । 

स्थानीयले घेराउपछि उनीहरूले वडा कार्यालयमा तालासमेत लगाएका छन्। १०-१२ बर्ष अघिबाट चलन चल्तिको झरना प्रधानमन्त्री स्वरोजगार कार्यक्रम मार्फत बन्द गरिएकाले सो क्षेत्रमा २ सय बिगाह बढी धानबाली डुबानमा परेको स्थानीयको गुनासो छ ।

बर्खा याममा डुवान पर्ने भन्दै यस अघि समस्या समाधानका लागि न्यायिक समितिमा उजुरी दिँदा समेत कुनै सुनुवाइ नभएको स्थानीय नरजंग शाहीले बताएका छन् । वडा अध्यक्षले समस्या समाधान गर्छु भने आश्वासन मात्रै दिएको र कुनै पहल नगरेकाले आफूहरु बाध्य भएर वडा कार्यालय घेराउ गर्न आएको शाहीको भनाई छ। 

यस्तै, स्थानीय सुरेन्द्र चौधरीले मागहरु सुनुवाइ नभए चरणवद्ध आन्दोलन गर्ने चेतावनी पनि दिएका छन् । स्थानीयहरुले वडा कार्यालय घेराउ गरेपनि वडा अध्यक्षले आफू वडा कार्यालय आउन नसक्ने भन्दै पन्छिएको आरोप लगाएका छन् ।

यता वडाअध्यक्ष रामु थारूले न्यायिक समितिले समस्या समाधान गर्ने भनेर खबर आएको र न्यायिक समितिमार्फत समस्या समाधान गरिने बताएका छन् ।