तलबी प्रतिवेदन पास नगर्ने १६९ पालिकालाई कारबाहीको सिफारिस

१८ साउन, काठमाडौं । स्थायी शिक्षकको तलबी प्रतिवेदन पास नगरी तलब खुवाउने १६९ पालिकालाई कारवा गर्न राष्ट्रिय किताबखाना (शिक्षक)ले संघीय मामिला तथा सामान्य प्रशासन मन्त्रालयलाई सिफारिस गरेको छ । 

बिहीबार मन्त्रालयलाई पत्र लेख्दै किताबखानाका कामु उपनिर्देशक राजाराम खकुरेलले शिक्षा नियमावली २०५९ (संशाेधनसहित)को नियम १२६ उपनियम २ मा किताबखानाको काम कर्तव्य र अधिकार अर्न्तगत शिक्षकहरुको वार्षिक तलबी विवरण पारित गर्ने गराउनु पर्ने व्यवस्था रहेको तर विभिन्न पालिकाहरुले तलबी प्रतिवेदन पारित नगरी तलब खुवाएको पाइएको भन्दै कारवाही गर्न भनेका अनुरोध गरेका छन् । 

कानून उल्लंघन गर्ने पालिकालाई कारवाही गर्ने तयारी भइरहेको मन्त्रालय स्रोतले जनाएको छ ।